بوّس إيدين الرئيس

بوّس إيدين الرئيس 
خالد الهبر 
البوم "هيدا زمانك"

بوّس إيدين الرئيس
بوّس إيدين الملك 
ضلّك بوّس يا تعيس
ما الكرامة مش إلك

بوّس إيدين الزعيم 
بوّس إيد الأفندي 
حاجي تقلّي مستقيم
أعوج واضح من عندي 

بوّس إيدين الوزير
بوّس إيدن للنواب
بوّس إيدين المدير 
بركي بتتعيّن بوّاب

بوّس إيدين العسكر
بوّس إيدين للظبّاط
قد ما تبوّس يا معتّر
رح تبقى للأحتياط


بوّس إيدين الشرطة 
بوّس إيد الدركيّي 
وقّف آخدلك لقطة 
للصورة التاريخية 
كل وقتك صاير تبويس 
قلّي ما تعبوا شفافك 
حاجي توطّي يا تعيس
ضهرك وصّل عكتافك 
ونازل بالعالم تيأيس 
وبتقلّن دبّر راسك 
راسك صار بدّو تجليس 
الله يلعن أساسك 

ماشي و رافع راسك كيف 
متل الماشي بعيدو 
اتطلّع في حدّك عريف 
وطّي بوّسلو إيدو